මිදි

2015-05-28 09:26:00       724
feature-top

හැදින්වීම
ලෝකයේ බහුලව වගා කරනු ලබන මිදි විශේෂය වන්නේ විටිස් විනිෆෙරාය. එය කැස්පියන් හා කළු මුහුද අවට ප්‍රදේශයෙහි සම්භවය වී ඇතැයි සැලකේ. නැවුම් පළතුරක් ලෙස ආහාරයට ගැනීම, වයින් නිෂ්පාදනය හා වියළි මිදි නිෂ්පාදනය යන ප්‍රධාන ප්‍රයෝජන තුන සඳහා මිදි වගා කරණු ලැබේ.

ලෝකයේ මුළු මිදි නිෂ්පාදනයෙන් 70% ක් පමණ වයින් සඳහා ද 28% ක් පමණ නැවුම් පළතුරක් ලෙසද 2% ක් පමණ වියළි මිදි සඳහා ද යොදාගනු ලැබේ. මේ අනුව වගා කරණු ලබන මිදි වර්ගද වෙනස් වේ. මෙයට අමතරව යුෂ ලබාගැනීම, ටින් කිරීම වැනි කාර්යයන් සඳහාද මිදි අස්වැන්න භාව්තා කළ හැකිය. නැවුම් පළතුරක් ලෙස සහ වියළි මිදි ලෙස මෙරටට ආනයනය කිරීමට විශාල මුදලක් වැය වෙයි.

සාර්ථකව මිදි වගා කිරීම සඳහා විශේෂ පුහුණුවක් ලැබිය යුතුය. විශේෂයෙන් කප්පාදු කිරීම හා වැල් පුහුණු කිරීම වැනි ඉතා වැදගත් වගා පාලන ක්‍රම නිසි පරිදි ඉටු නොකිරීම නිසා අස්වැන්න බෙහෙවින් අඩු විය හැකිය. එසේම වගාව කෙරෙහි අඛණ්ඩව අවධානය යොමු කිරීමද ඉතා වැදගත්ය.

අනිකුත් පළතුරු වගාවන් සමඟ සසදන කල මිදි වගාව සඳහා වැඩි මූලික ප්‍රාග්ධනයක් යෙදවිය යුතුය. නමුත් ක්‍රමවත්ව නඩත්තු කල මිදි වගාවකින් විශාල ආදායමක් ලබාගත හැකිය.

ශ්‍රී ලංකාවට මිදි වගාව හදුන්වා දී ඇත්තේ පෘතුගීසි මිෂනාරීවරුන් විසිනි. බොහෝ කලක් යාපනය, පුත්තලම වැනි ප්‍රදේශවල වැඩි වශයෙන් දක්නට ලැබුණු මෙම වගාව මේ වනවිට අනුරාධපුර, හම්බන්තොට, මොණරාගල වැනි ප්‍රදේශවල ව්‍යාප්ත වී ඇත.

ශ්‍රී ලංකාවේ වගා කළ හැකි වෙනත් සියළුම පළතුරු වලට වඩා වැඩි ආර්ථික ප්‍රතිලාභයක් ලබාදීමට මිදි වගාව සමත්ය. දේශීයව පවතින අධික ඉල්ලුම සහ වැඩි මිලකට අලෙවි කරගත හැකිවීම නිසා මිදි වගාව ගොවීන් අතර ක්‍රම ක්‍රමයෙන් ජනප්‍රිය වීමට හේතු වී තිබේ.

දේශගුණය
සාර්ථකව මිදි වගා කිරීම සඳහා වියළි කාළගුණය පවතින ප්‍රදේශ වඩාත් සුදුසුයි. මිදි ඵල හටගන්නා කාලවලදී විශේෂයෙන්ම වියළි කාළගුණයක් තිබීම අත්‍යවශ්‍යයි. එසේ නොවූවිට මල් සහ ඵල හටගැනීම අඩුවීම හා හටගත් ඵලවල තත්ත්වය බාලවීම හා දිලීර රෝග වර්ධනය වීම කෙරෙහි බලපායි.

වියළි කළාපයේ මාස තුනකට නොඅඩු පැහැදිලි වියළි කාල දෙකක් දක්නට ලැබේ. ඒවා නම් ජනවාරි සිට මාර්තු, අප්‍රේල් දක්වා සහ ජුනි - සැත්තැම්බර් දක්වා කාලයත්ය. මෙවැනි වර්ෂාපතන රටාවක් පවතින වියළි කලාපයේ ජල සම්පාදන තත්ත්ව යටතේ මිදි හොඳින් වගාකල හැකිය.

පස
මිදි වගාව සඳහා ඉතාම යෝග්‍ය වන්නේ ඉතා හොඳින් ජලය බැසයන සැහැල්ලු ගැඹුරු පසකි. පසේ ගැඹුර මීටර් 1 - 2 පමණ තිබේ නම් වගාවේ මුල් වර්ධනය ඉතා හොදින් සිදුවීමට අවකාශ ලැබේ. පස මතුපිටට ආසන්නව තද ගල් ස්ථරයක් පවතින චූර්නමය නොවන ගැඹුරු පස් ඇති අරලගංවිල හා අම්පාර දිස්ත්‍රික්කයේ සමහර ප්‍රදේශ මිදි වගාව සඳහා එතරම් සුදුසු නොවේ. තවද අධික ලවන සහිත පස් වලද මිදි වගාකළ නොහැක.

වගාව සඳහා පසෙහි පැවතිය යුතු වඩාත් සුදුසු පී. එච්. අගය 6.5 - 7.5 පමණ වේ.

පැළ නිෂ්පාදනය
බද්ධ ක්‍රම, අතු බැදීම හා දඬු කැබලි යන ක්‍රම මඟින් මිදි පැළ නිපදවා ගත හැකිය. එහෙත් අප රටේ වඩා සරල හා පහසු ක්‍රමය වන්නේ දඬු කැබලි මඟින් පැළ සකස් කර ගැනීමයි.

දඬු කැබලි මඟින් පැළ නිපදවා ගැනීම
වැල් තෝරා ගැනීම
පැළ නිෂ්පාදනය කර ගැනීම සඳහා දඬු කැබලි ලබාගත යුත්තේ තෝරාගත් වැල්වලින් පමණි. මේ සඳහා උසස් අස්වැන්නක් ලබාදෙන නීරෝගී, ගුණාත්මයෙන් වැඩි ගෙඩි හටගන්නා ප්‍රදේශයට වඩා ගැලපෙන ප්‍රභේදයක වැල් තෝරා ගන්න. සාමාන්‍යයෙන් දඬු කැබලි ලබාගන්නේ මිදි වැල් කප්පාදු කරන අවස්ථාවේදීය.

දඬු කැබලි තෝරා ගැනීම
මුල් අද්දවා ගැනීම සඳහා සුදුසු දඬු කැබලි තෝරා ගැනීමේදී පහත සඳහන් කරුණු පිළිබඳව විශේෂයෙන් සැලකිලිමත් විය යුතුය. පසුගිය කන්නයේ කප්පාදුවෙන් පසුව හටගත් දුඹුරු පැහැති මේරූ නීරෝගී දඬු (දල දඬු) තෝරා ගන්න. දඬු කැබැල්ලේ අංකුර අක්‍රීය තත්ත්වයේ පැවතිය යුතුය.

ලබාගන්නා දඬු පැන්සලක විශ්කම්භයට වඩාවැඩි විය යුතුය. එනම් විශ්කම්භය සෙන්ටි මීටරයක් පමණ වීම වඩා සුදුසුය. දඬුවල විශ්කම්භය මෙයට වඩාවැඩි හෝ අඩු වුවහොත් මුල් හටගැනීම අඩු විය හැකිය.

මුල් අද්දවා ගැනීම සඳහා යොදා ගන්නා දඬු කැබැල්ලක් සෙ.මී. 25 - 30 (අඟල් 10 - 12) දිගවන පරිදි සහ ගැට 04 පමණ අඩංගු වනසේ කපාගන්න. මෙවැනි දඬු කැබැල්ලක අවම වශයෙන් ගැට 3 - 4 වත් තිබිම අත්‍යවශ්‍යයි.

දඬු කැබලි සකසා ගැනීම
මුල් අද්දවා ගැනීමට දඬු කැබලි සකසා ගැනීමේදී දඬු කැබැල්ලේ ඉහළින්ම ඇති ගැටයේ සිට සෙන්ටිමීටර් 01 ක් (අඟල් 1/2) පමණ ඉහළින් හරස් අතට කපන්න. ඉන්පසු දඬු කැබැල්ලේ පහළින්ම ඇති අංකුරයට විරුද්ධ දිශාවෙන් ගැටයට ආසන්නයෙන් ආනතව කැපුමක් යොදන්න.

මේ මඟින් දඬු කැබැල්ලේ ඉහළ සහ පහළ කෙලවරවල් පහසුවෙන් හඳුනාගත හැක. මෙයට අමතරව ඉහළ කෙලවරින් ජලයෙන් හානිවීමද අවම වේ. පහළ කැපුම් තලය ආනත හැඩයක් ගන්නා නිසා එහි මතුපිට ක්ෂේත්‍රඵලය වැඩිවේ. එය මුල්හට ගැනීමට හේතුවන "කිනක පටක" වැඩි ප්‍රමාණයක් හටගන්වා ගැනීමට උපකාරි වේ.

ඉහත පරිදි කපාගත් දඬු කැබලි තයොෆනේට් මීතයිල් 50 % + තිරාම් 30 % W P වැනි දිලීර නාශක ද්‍රාවනයක විනාඩි 05 ක් පමණ කාලයක් සම්පූර්ණයෙන් ගිල්වා තබන්න. මෙයින් දිලීර රෝග වලින් දඬු කැබලි ආරක්ෂා කරගත හැක.

වැලි බඳුන් යොදා ගැනීම
සෙවණ සහිත ස්ථානයක ලී හෝ ගඩොල් වලින් සෙන්ටිමීටර් 45 පමණ උස පෙට්ටියක් සාදා ගන්න. මෙහි දිග සහ පළල මුල් අද්දවා ගතයුතු දඩු ප්‍රමාණයමත තීරණය කරගන්න.

පෙට්ටියේ පතුලට සෙන්ටිමීටර් 15ක් පමණ පිරිසිදු වැලි තට්ටුවක් දමා ඒ මත දඬු කැබලි මිටි (දඩු කැබලි 25 - 30 පමණ) හරස් අතට සිටින සේ තට්ටු වශයෙන් අසුරන්න. මෙලෙස තැම්පත් කරණුලබන සෑම දඬු කැබලි මිටි තට්ටුවක්ම වැලි තට්ටුවකින් වසන්න.

ඉන්පසු ඉහළින්ම තැම්පත්කළ දඬු කැබලි මිටි සම්පූර්ණයෙන්ම වැසීයන පරිදි සෙන්ටි මීටර් 10 (අඟල් 04) පමණ ඝනකමක් සහිත වැලි තට්ටුවක් දමන්න.

මෙම වැලි තට්ටුව හොඳින් තෙත්කර තෙත් ගෝනියකින් වසන්න. වැලි තට්ටුව වියළීයාම වලකාගැනීම සඳහා වරින්වර එයට ජලය යොදන්න.

වැලි බඳුනෙහි තැම්පත්කර දින 10 - 15 පමණ ගතවූ පසු දඬු කැබලිවල කැපුම් පෘෂ්ඨයමත ඉදිමුමක් වැනි වර්ධනයක් (කිනක) ඇති වේ. මෙලෙස "කිනක පටක" හොඳින් වර්ධනය වී ඇති දඬු කැබලි බඳුන් කිරීම සඳහා සුදුසුය.

පොලිතීන් බඳුන් යොදා ගැනීම
සෙන්ටිමීටර් 30ක් පමණ පළල හා සෙන්ටිමීටර් 50 - 60 පමණ දිග පොලිතීන් කැබලි ගෙන එහි එක් කෙලවරක් මුද්‍රා තබන්න. ඉන්පසු දිලීරනාශකයේ ගිල්වාගත් දඬු කැබලි මිටියක් එයතුලට දමා පොලිතීන් බඳුනෙහි ඉතිරි කෙළවර ද මුද්‍රා තබන්න.

මේ අන්දමට දඬු කැබලි අඩංගු පොලිතීන් බඳුන් අඳුරු ස්ථානයක දින 10ක් පමණ තැම්පත්කර තබන්න. එවිට කැපුම් පෘෂ්ඨය මත කිනක වර්ධනය වේ.

තවද දඬු කැබලි මිටි අඩංගු පොලිතීන් බඳුන් අඳුරේ නොතබා ශීතකරනයක් තුල දින 08 - 10 පමණ කාලයක් තැම්පත් කිරීමෙන් ද කිනක වර්ධනය කරගත හැකිය.

කොහුබත් මාධ්‍යයක් යොදා ගැනීම
මෙහිදීද පෙර ක්‍රමයේ මෙන් පොලිතීන් බඳුන් සකසා එතුලට දිලීරනාශක ද්‍රාවනයක ගිල්වාගත් දඬු කැබලි මිටිය සම්පූර්ණයෙන්ම ආවරණය වනසේ තෙත කොහුබත් (ගුලියක් ලෙස අතින් තදකල විට ජලය නොවෑස්සෙන පදමට තෙත්කළ) වලින් පුරවා පොලිතීන් බඳුනේ විවෘත කෙළවර මුද්‍රා තබන්න.

මේ සඳහා තයොෆනේට් මීතයිල් 50 % + තිරාම් 30 % W P වැනි දිලීර නාශකයක් සමඟ මිශ්‍ර කිරීම වඩා සුදුසුය. මේ අන්දමට සකසාගත් බඳුන් සෙවණ සහිත ස්ථානයක තැම්පත් කරන්න. දින 10 - 15 දී පමණ දඬු කැබලිවල කැපුම් තලමත කිනක පටක වර්ධනය වේ. එම දඬු කැබලි පමණක් පොලිතීන් බඳුන්වල සිටුවන්න.

වැලි තවානක මුල් අද්දවා ගැනීම
වැලි තවාන් සඳහා සෙවන සහිත එළිමහන් ස්ථානයක් තෝරා ගන්න. මේ සඳහා මඩුවක්, හරිතාගාරයක් හෝ ශාක ප්‍රචාරනය සඳහා සකස් කරගත් කුටියක් යොදා ගත හැක.

මෙම ස්ථානයේ සෙ.මී. 12-15 ඝනකමට සිටිනසේ වැලි තට්ටුවක් දමා අවශ්‍ය දිග හා පළලට අනුව ගඩොල් හෝ ලී කැබලි වලින් අසුරා ගන්න. තවාන් සඳහා පිරිසිදු වැලි පමණක් භාවිතා කරන්න. ජලය පහසුවෙන් බැසයන ස්ථානයක තවාන් සකස් කරගත යුතුය.

දඬු කැබලි කපාගත් විගස එහි පහළ කෙලවර එනම් ආනතව කැපූ කෙලවර සමඟ දඬු කැබැල්ලේ ගැට දෙකක් වැලි වලින් යටවන සේ සිටුවන්න. සිටවූ දඬු කැබලි වියලී යාම වලක්වා ගැනීම සඳහා වරින්වර වැලි තවානට ප්‍රවේශමෙන් ජලය යොදන්න.

සති 04 ගතවූ පසුව මුල් හටගැනීම සිදුවේ. එවිට දඬු පොලිතීන් බදුන්වල සිටුවිය හැකිය.

බඳුන් සකසා ගැනීම
ගේඡ් 250 - 300 පොලිතීන් වලින් පළල සෙන්ටිමීටර් 15 ක් හා උස සෙන්ටිමීටර් 25 - 30 වූ බඳුන් සකසා ගන්න. දිරාපත් වූ ගොම හෝ කොම්පෝස්ට්, වැලි සහ මතුපිට පස් සම අනුපාතයට මිශ්‍රකර ගැනීමෙන් බඳුන් මිශ්‍රණය සකස් කරගන්න. කෙසේ වුවද මතුපිට පස්වල මැටි ප්‍රමාණය අනුව බඳුන් මිශ්‍රණය සඳහා භාවිතා කරනු ලබන වැලි සහ කොම්පෝස්ට් ප්‍රමාණය වෙනස් කරගන්න. ඉන්පසුව සකස් කරගත් පොලිතීන් බඳුන්වලට මෙම බඳුන් මිශ්‍රණය පුරවන්න.

දඬු කැබලි සිටුවීම
පහළ කැපුම් පෘෂ්ඨයේ කිනක පටක හා කුඩා කිර මුල් හටගෙන ඇති සහ දණ්ඩේ ඉහළ කෙළවර මොදුවීමට ආසන්න වී ඇති දඬු කැබලි පමණක් බඳුන් කිරීම සඳහා තෝරා ගන්න.

අවශ්‍ය ප්‍රමාණයට වැඩි දිගකින් යුත් මුල් වැඩීඇති සහ අංකුරවල පත්‍ර විහිදී ඇති දඬු කැබලි බඳුන් කලවිට වැඩි ප්‍රමාණයක් මියයැමට ඉඩඇත. මෙවැනි තත්ත්වයක් ඇති වන්නේ මුල් හටගැනීමට යොදා ගන්නා මාධ්‍යයතුල වැඩි කාලයක් දඬු කැබලි තිබීමට ඉඩහැරීම නිසාය.

දඬු කැබලි බඳුන් කිරීම සඳහා පළමුවෙන්ම සකස් කරගත් බඳුන්වල ප්‍රමාණයෙන් අඩක් පමණ නියමිත බඳුන් මාධ්‍යයෙන් පුරවා ගන්න. තෝරාගත් දඬු කැබැල්ල කිරිමුල් නොකැඩෙක පරිදි බඳුනේ හරි මැදින් බඳුන් මාධ්‍ය මත ප්‍රවේශමෙන් තැම්පත්කර එය මතට බඳුන් මධ්‍යයෙහි ඉතිරි කොටස දමන්න. අවම වශයෙන් දණ්ඩෙහි ගැට දෙකක්වත් බඳුන් මාධ්‍යයෙන් පිටතට සිටිනසේ මාධ්‍ය පුරවා ගන්න. සපයන වැඩි ජලය ඉවත්වීම සඳහා බඳුන්වල පහළින් සිදුරු කිහිපයක් සැකසීමද කළයුතුය. පැලය සිටවූ බදුනටද ඉහත අකාරයට දිලීරනාශක යොදන්න.

මේ සිටවූ පැළ සෙවණ සහිත ස්ථානයක තැම්පත්කර ජලය සපයන්න. කිනක වර්ධනය වී ඇති දඬු කැබලි මෙලෙස සිටුවා සති 2-3 ගතවූ පසුව අංකුර වැඩීම ආරම්භ වේ. මෙසේ ඇතිවූ පැළ මාස 3 - 4 පමණ කාලයකදී ‍ක්ෂේත්‍රයේ සිටුවිය හැක.

සිටුවීමට සුදුසු කාලය
වියළි කලාපයේ පවතින දේශගුණික තත්ත්වයමත මිදි පැළ සිටුවීමට වඩා සුදුසු කාලය වන්නේ සාමාන්‍යයෙන් පෙබරවාරි සිට මාර්තු දක්වාත් ජුනි සිට අගෝස්තු දක්වාත් වැසි රහිත කාලයත්ය. වැසි සහිත කාලවලදී සිටුවීමේදී රෝගවලට පාත්‍ර වේ.

සිටුවීමේ පරතරය
මිදි වැල්වල පරතරය වැල් පුහුණු කිරීමට බලාපොරොත්තුවන ක්‍රමය අනුව වෙනස් වේ.

පන්දලම් ක්‍රමය

    පැළ අතර මීටර් 7.6 x පේලි අතර මීටර් 3.6 (අඩි 24 x අඩි 12)

වැට ක්‍රමය

    පැළ අතර මීටර් 3.6 x පේලි අතර මීටර් 1.8 (අඩි 12 x 6)

පඳුරු ක්‍රමය

    පැළ අතර මීටර් 1.8 x පේලි අතර මීටර් 1.8 (අඩි 6 x 6)


වලවල් සකසා ගැනීම
මිදි වැලක් වසර 30 ක් පමණ කාලයක් දක්වා වුවද ආර්ථික ලාබදායීව සාර්ථවක නඩත්තු කළහැක. වගාවේ පැළ පේළි පිහිටන දිශාව, ජල සම්පාදන ක්‍රමය, ඉඩමේ බෑවුම හා සුළං හමන දිශාව වැනි කරුණුමත තීරණය විය යුතුය. පළමුවෙන්ම වගාවට ජලය සැපයීමට බලාපොරෝත්තු වන්නේ කුමන ආකාරයටද යන්න පිළිබඳ දළ අදහසක් තිබීම වැදගත්ය.

සුළඟ නිසා වැල්වලට ඇති විය හැකි හානිද හැකිතාක් දුරට අඩු කරගත යුතුය. මේ සඳහා සෑම අවස්ථාවකදීම මැසි ක්‍රමයේදී නම් මීටර් 08 ක පරතරය ලබාදෙන දිශාවද, වැට ක්‍රමයේදී නම් වැට පිහිටන දිශාවද සුළඟ හමන දිශාවට සමාන්තර විය යුතුය.

පැළ සිටුවීම සඳහා සකස් කරණු ලබන වලක දිග, පළල හා උස අවම වශයෙන් මීටරයක් බැඟින් විය යුතුය. වල කැපීමේදී මතුපිට පස් හා යටිපස් වෙන් වෙන් වශයෙන් වල අසල ගොඩ කරන්න.

යටිපස නැවත වල පිරවීම සඳහා භාවිතා නොකරන්න. කපාගත් වල සඳහා හොඳින් දිරාපත් වූ ගොම පොහොර හෝ වෙනත් කාබනික පොහොර වර්ගයක් දමා පුරවා ගන්න. එයට ඉවත් කරගත් මතුපිට පස්, අවට ඇති මතුපිට පස් කාබනික පොහොර සමඟ මිශ්‍රකර මිශ්‍රණයෙන් වල පුරවන්න. ඉන්පසු මාසයක් පමණ කාලයක් මිශ්‍රණය වලෙහි හොඳින් තැම්පත් වීමට ඉඩ හරින්න.

පැළ සිටුවීමට දින කිහිපයකට පෙර මූලික පොහොර ප්‍රමාණද කලවම් කර දින 2 - 3 තබා මිදි පැළ සිටුවන්න. මාස 04 කට වඩා වැඩි කාලයක් බඳුනේ තිබූ මිදි පැළ සිටුවීමට පෙර බඳුන පතුලේ ගැටගැසී ඇති මුල් තට්ටුව කපා ඉවත් කරන්න. පොලිතීනය ඉවත්කරන අවස්ථාවේ සෙන්ටිමීටරයක් පමණ ඉහළින් කපා දැමීමෙන් මෙම මුල් තට්ටුව ඉවත්කළ හැකිය.

සිටුවන අවස්ථාව වනවිට පැළය බඳුන්කර වැඩි කාලයක් ගතවී තිබේ නම් එහි රිකිල්ල අනවශ්‍ය පරිදි දික්වී තිබීමට ඉඩතිබේ. එවිට පැළයේ මේරූ දුඹුරු පැහැති ගැට 2 - 3 පමණ ඉතිරි වනසේ සිටුවීමට සති 2 පමණ පෙර රිකිල්ලේ අඟ කෙළවර කපාදමා පැළ සිටුවන්න. පසුව ආධාරයක් ලෙස කොටුවක් පැළයෙන් අඟල් 6 පමණ දුරින් සිටුවා එයට පැළය බඳින්න.

වැල් පුහුණු කිරීම
වැල් පුහුණු කිරීම මඟින් ශක්තිමත් සැකිල්ලක් ලබා ගැනීමටද කප්පාදු කිරීම, කෘෂි රසායන යෙදීම, අස්වැන්න නෙලීම හා වෙනත් කටයුතු පහසු වීමට මෙය වැදගත්ය. මෙම ක්‍රම කිහිපයකි.

පන්දලම් ක්‍රමය (මැසි ක්‍රමය)
මෙම ක්‍රමය යෝග්‍යවන නමුත් වියදම් අධිකය. මිදි වැල් රෝග වලින් ආරක්ෂා කරගැනීම පහසුවන අතර උසස් ගුණාත්මයෙන්යුත් මිදි පොකුරුද වැලකින් වැඩි අස්වැන්නක්ද ලබාගත හැකිය.

පන්දලම් ක්‍රමයේදී යොදා ගන්නා පරතරය
අඩි 24 x 12 (මීටර් 8 x 4) අක්කරයකට අවශ්‍ය පැළ ප්‍රමණය 125 කි.

මිදි වැලකින් අවුරුදු 30 ක පමණ ආර්ථික ලාභදායී අස්වැන්නක් ලබාගත හැක. මේ ක්‍රමයේදී පන්දලම සකස් කිරීමට යොදා ගන්නා ද්‍රව්‍ය අවුරුදු 30 ක් පමණ පවතින ඒවා විය යුතුය. කණු සඳහා කොන්ක්‍රීට්, ගැල්වනයිස් බට (අඟල් 02) හා පී.වි.සී. බටවලට කොන්ක්‍රීට් මිශ්‍රණය පිරවීමෙන් සකස් කල බට හෝ භාවිතා කල හැකිය. කණුවක උස තීරණය වන්නේ එහි කටයුතු සිදුකරන පුද්ගලයාගේ උස මතර අත ඔසවා සිටගත් පුද්ගලයාගේමැණික්කටුව ප්‍රමාණයට කණු උස තිබීම ප්‍රමාණවත්ය.

මේ අන්දමට සකස්කළ පන්දලමක මීටර් 8 x 4 කොටුවක කණු 6ක් පිහිටන අතර කොටුවේ මැද වැල පිහිටා ඇත. කණු සිටුවීමෙන් අනතුරුව කම්බි යොදා මැස්සක් ආකාරයට ගතයුතු වේ. සෑ

Wmqgd .ekSu isxy,u.a fj wvh weiqfrks

More News »